Azərbaycan Ağaqqallar Şurasının sədri Eldar Quliyev Türk Dövlətləri Təşkilatının Baş katibi Kubanıçbek Ömüralıyevlə görüşüb

Yanvarın 18-də Türk Dövlətləri Təşkilatının (TDT) Baş katibi Kubanıçbek Ömüralıyev Türkiyədə işgüzar səfərdə olan Azərbaycan Ağaqqallar Şurasının sədri, millət vəkili, professor Eldar Quliyevin başçılıq etdiyi nümayəndə heyətini qəbul edib.
Səmimi qarşılanmaya görə təşəkkürünü bildirən Eldar Quliyev Kubanıçbek Ömüralıyevi TDT-nin baş katibi vəzifəsinə təyin olunması münasibətilə bir daha təbrik edib və ona gələcək fəaliyyətində uğurlar arzulayıb.
Baş katib də, öz növbəsində, bu xoş ziyarət üçün minnətdrlğını ifadə edib və təşkilatın son dövrlər ərzində həyata keçirdiyi fəaliyyət barədə nümayəndə heyətinə məlumat verib.
Görüş zamanı tərəflər qardaş Azərbaycan və Türkiyə dövlətləri arasında əməkdaşlığın gücləndirilməsi və birgə fəaliyyət perspektivləri ilə bağlı fikir mübadiləsi aparıblar. Görüşdə Azərbaycan Ağsaqqallar Şurasının sədr müavini, millət vəkili, professor Eldar İbrahimov da iştirak edib.
Sonda Türk Dövlətləri Təşkilatının Baş katibi Kubanıçbek Ömüralıyev Azərbaycan Ağaqqallar Şurasının sədri, millət vəkili, professor Eldar Quliyevə xatirə hədiyyəsi təqdim edib.
Qeyd edək ki, yanvar ayının 17-də Azərbaycan Ağsaqqallar Şurasının üzvü, millət vəkili, Türk Dövlətləri Təşkilatının keçmiş Baş katibi Ramil Həsənin də Kubanıçbek Ömurəliyevlə görüşü olub. Görüş zamanı TDT-nin Baş katibi sələfinin türk dövlətləri arasında əlaqələrin inkişafında göstərdiyi xidmətlərdən bəhs edərək, ona öz təşəkkürünü bildirib.