Xəbər verdiyimiz kimi, 16-18 yanvar tarixində Azərbaycan Ağsaqqallar Şurasının sədri, millət vəkili, professor Eldar Quliyev Türkiyədə işgüzar səfərdə olub.
Səfər çərçivəsində Eldar Quliyevin başçılıq etdiyi Azərbaycanın nümayəndə heyəti Qara Dəniz İqtisadi Əməkdaşlıq Təşkilatı Parlament Məclisinin (QDİƏT PM) daimi komitəsinin və reqlament üzrə işçi qrupunun iclaslarında iştirak edib. Millət vəkili, QDİƏT PM-in Mədəniyyət, təhsil və sosial məsələlər komitəsinin sədri Musa Quliyev də bu iclaslara qatılıb.
Azərbaycan Ağsaqqallar Şurasının sədri, millət vəkili, professor Eldar Quliyev QDİƏT PM sədrinin müavini və qurumdakı Azərbaycan nümayəndə heyətinin rəhbəridir.
