Fevral ayının 1-də Respublika Ağsaqqallar Şurasının İdarə Heyətinin üzvü, Azərbaycan Milli Elmlər Akademiyasının Gəncə Bölməsinin sədri, kimya elmləri doktoru, akademik Fuad Əliyevin 72 yaşı tamam olur.
Uzun illərdir elm sahəsində çalışan, Azərbaycanda elmin inkişafına dəyərli töhfələr verən Fuad Əliyevi gəncəlilərlərlə yanaşı, ölkə əhalisi də yaxından tanıyır, ona bir ziyalı və ağsaqqal kimi böyük hörmət bəsləyirlər. Hər zaman Azərbaycan dövlətinə xidmət edən, gərgin elmi fəaliyyəti ilə yanaşı, respublikamızın ictimai-siyasi həyatında da yaxından iştirak edən akademikin məhsuldar ömür yolu gənc nəsil üçün bir örnəkdir. Əminik ki, bundan sonra da elmimizin tərəqqisində böyük uğurlara imza atacaqdır.
Fuad Əliyevi ad günü münasibətilə səmimi qəlbdən təbrik edir, Ona uzun ömür, möhkəm cansağlığı və yeni-yeni elmi nailiyyətlər arzulayırıq!
Dərin hörmət və səmimiyyətlə,
Azərbaycan Ağsaqqallar Şurasının İdarə Heyətinin
üzvləri adından Şuranın sədri, millət vəkili, professor Eldar QULİYEV
