Oktyabr ayının 5-də kimya üzrə elmlər doktoru, akademik Yusif Məmmədəliyev adına Neft-Kimya Prosesləri İnstitutunun baş direktoru, Azərbaycan Milli Elmlər Akademiyasının həqiqi üzvü Vaqif Abbasovun 70 yaşı tamam olur.
Uzun illərdir elm sahəsində çalışan, Azərbaycanda elmin inkişafına dəyərli töhfələr verən Vaqif Abbasovu xalqımız yaxından tanıyır, hər bir vətəndaşımız ona vətənpərvər ziyalı və müdrik ağsaqqal kimi böyük hörmət bəsləyir. Hər zaman Azərbaycan dövlətinə xidmət edən, gərgin elmi fəaliyyəti ilə yanaşı, respublikamızın ictimai-siyasi həyatında da yaxından iştirak edən akademikin məhsuldar ömür yolu gənc nəsil üçün bir örnəkdir. Əminik ki, o, bundan sonra da elmimizin inkişafında böyük uğurlara imza atacaqdır.
Vaqif Abbasovu – Azərbaycan elminin görkəmli nümayəndəsini, xalqımıza ləyaqətlə xidmət edən dəyərli akademiki, alicənab insanı Vətənimizin tərəqqisinə həsr olunmuş şərəfli ömrünün 70-ci İldönümü – əlamətdar Yubileyi münasibətilə ürəkdən təbrik edir, ona Allahdan uzun ömür, möhkəm cansağlığı, sevinc dolu günlər və yeni-yeni elmi nailiyyətlər arzulayırıq!
Dərin hörmət və səmimiyyətlə,
Azərbaycan Ağsaqqallar Şurasının İdarə Heyətinin
üzvləri adından Şuranın sədri, millət vəkili,
professor Eldar Quliyev
