Masallı rayonunun Xıl inzibati ərazisində yeni istifadəyə verilən agsaqqallar evinin açılışı olub.
Tədbirdə Masallı Rayon Agsaqqallar Şurasının sədri Ələşrəf Niftiyev çıxış edərək bildirib ki, rayonun mərkəzində və kəndlərdə agsaqqallar evləri tikilərək istifadəyə verilir. Məqsəd ağsaqqalların, təqaüdçülərin mədəni istirahəti və fəaliyyəti, həmçinin tədbirlərin keçirilməsi üçün şəraitin yaradılmasıdır. Natiq çıxışında yeniyetmə, gənclər və əhali ilə görüşlərdə Azərbaycanın bütün sahələrdə əldə etdiyi uğurların təbliğatında ağsaqqalların rolundan və qarşıda duran vəzifələrdən danışıb.
Sonda Masallı Rayon Agsaqqallar Şurasının sədri Ələşrəf Niftiyev yeni tikinti üçün təşəbbüs və əmək sərf etmiş kənd ağsaqqallarına minnətdarlığını bildirib və onların arasında xüsusilə fərqlənən şura üzvləri Əlövsət Sadıqova Təşəkkürnamə, şair Tahir Hüseynova isə Fəxri fərman təqdim edib.
