Aprel ayının 1-də Ucar Rayon Ağsaqqallar Şurasının sədri Mirzalı Ağamalıyevin 75 yaşı tamam olur. Fəaliyyəti boyunca hər zaman Azərbaycan dövlətinə və xalqımıza yüksək fədakarlıqla xidmət göstərən Mirzalı müəllim təvazökar və yüksək mənəviyyata malik bir ziyalı kimi bu gün də ölkəmizin inkişafı naminə böyük əzmkarlıq nümayiş etdirir. Ucar Rayon Ağsaqqallar Şurasının sədri olaraq müdrik bir ağsaqqal kimi respublikamızın ictimai-siyasi həyatında yaxından iştirak edir, gənc nəslin milli-mənəvi dəyərlərimizə və doğma Vətənimizə hörmət ruhunda formalaşdırılması işinə dəyərli töhfələr verir. Əminik ki, bundan sonra da Azərbaycanın tərəqqisi naminə var qüvvəsi ilə çalışacaq, qarşıya qoyulan ali məqsədlərə çatmaq üçün əlindən gələni əsirgəməyəcəkdir.
Ömrünün midriklik zirvəsinə yüksələn Mirzalı Ağamalıyevi 75 illik yubileyi münasibətilə ürəkdən təbrik edir, Ona uca Allahdan uzun ömür, möhkəm cansağlığı, xoşbəxtlik və gördüyü bütün işlərdə uğurlar arzulayırıq!
Dərin hörmətlə,
Azərbaycan Ağsaqqallar Şurasının İdarə Heyətinin
üzvləri adından Şuranın sədri, millət vəkili, professor Eldar QULİYEV
